ՀՀ վարչապետ Նիկոլ Փաշինյանի որոշմամբ Արտաշես Թումանյանն ազատվել է Վարչապետի խորհրդականի ժամանակավոր պաշտոնակատարի պաշտոնից։
«Ղեկավարվելով «Հանրային ծառայության մասին» օրենքի 9-րդ հոդվածի 10-րդ մասով՝ Վարչապետի խորհրդականի ժամանակավոր պաշտոնակատար Արտաշես Թումանյանին ազատել զբաղեցրած պաշտոնից»,–ասված է որոշման մեջ։
Նշենք, որ Արտաշես Թումանյանը Հայաստանի պետական կառավարման համակարգի հնաբնակներից է։
Նա երկու անգամ (1990-ին և 1995–ին) ընտրվել է Հայաստանի խորհրդարանի պատգամավոր։
1992-1995թթ. ՀՀ Գերագույն խորհրդի նախագահի տեղակալ
1997-1998թթ. ՀՀ հարկային տեսչության պետ
1998-1999թթ. ՀՀ Նախագահի խորհրդական
1999-2000թթ. ՀՀ արտգործնախարարի առաջին տեղակալ
2000-2006թթ. Հայ-իրանական միջկառավարական հանձնաժողովի նախագահ
2000-2006թթ. «Լինսի» հիմնադրամի ծրագրերի կառավարման հայաստանյան խորհրդի նախագահ
2000-2006թթ. ՀՀ Նախագահի աշխատակազմի ղեկավար
2001-2006թթ. Հայ-չինական միջկառավարական հանձնաժողովի նախագահ
2001-2006թթ. Հայաստան–Իրան կապերի գծով ՀՀ Նախագահի հատուկ լիազոր ներկայացուցիչ
2006-2015թթ. «Լիսամ» ՍՊԸ խորհրդի նախագահ
2015-2021թթ. Իրանի Իսլամական Հանրապետությունում Հայաստանի Հանրապետության արտակարգ և լիազոր դեսպան
Դիվանագիտական աստիճան՝
Արտակարգ և լիազոր դեսպան
Ընտանեկան կարգավիճակ՝
Ամուսնացած է, ունի երկու զավակ: