Լեհաստանի իշխանությունները օգոստոսի 7-ին ձերբակալել են Ռուսաստանի քաղաքացու, որին, ըստ Լեհաստանի վարչապետ Դոնալդ Տուսկի, ռուսական հատուկ ծառայություններն էին հավաքագրել՝ Վարշավայում ԱՄՆ-ի և Ուկրաինայի քաղաքացիություն ունեցող անձի սպանությունը իրականացնելու համար։
Տուսկի խոսքով՝ թիրախը «Պուտինի ռեժիմի համար անհարմար» անձ էր։ Նա նշել է, որ Լեհաստանի Ներքին անվտանգության գործակալության և ոստիկանության գործողությունների շնորհիվ հնարավոր է եղել վերջին պահին կանխել հարձակումը։
Լեհաստանի իշխանությունները չեն հրապարակել նախատեսված զոհի ինքնությունը կամ գործի այլ մանրամասներ։ Գործողությունն իրականացվել է նաև ԱՄՆ համապատասխան ծառայությունների հետ համագործակցությամբ։
Տուսկը նաև զգուշացրել է, որ Վլադիմիր Պուտինի ռեժիմը կարող է աշխարհի տարբեր երկրներում փորձել վերացնել իրեն անցանկալի մարդկանց։
Ռուսաստանի դեսպանատունը Վարշավայում դեպքի վերաբերյալ անմիջապես մեկնաբանություն չի ներկայացրել, իսկ Մոսկվան նախկինում բազմիցս հերքել է արևմտյան երկրների կողմից իրեն վերագրվող նման գործողությունների մեղադրանքները։