Բարձր տեխնոլոգիական արդյունաբերության նախկին նախարար Մխիթար Հայրապետյանը, ով նոր կազմավորված Կառավարությունում որևէ պաշտոն չի ստանձնել, Կոռուպցիայի կանխարգելման հանձնաժողով է ներկայացրել 2026 թվականի իր գույքի և եկամուտների հայտարարագիրը:
BanksNews.am-ն այս անգամ ուսումնասիրել է, թե ինչպես է փոխվել նախկին նախարարի ֆինանսական վիճակը՝ 2018 թվականից մինչ այժմ:
Անշարժ գույք և տրանսպորտ
Ըստ 2026 թվականի պաշտոնական հայտարարագրի՝ Մխիթար Հայրապետյանը տարվա սկզբում որպես միանձնյա սեփականություն հայտարարագրել է․
- Բնակարան Երևանում (ձեռք է բերվել 2021 թվականին),
- Ավտոկայանատեղի Երևանում (ձեռք է բերվել 2023 թվականին),
- Հողամաս Արագածոտնի մարզի Աշտարակ համայնքում (ձեռք է բերվել 2023 թվականին)։
Նախկին նախարարն իր անունով տրանսպորտային միջոց չի հայտարարագրել։
Դրամական միջոցներ, հաշիվներ և փոխառություններ
Համաձայն 2026 թ. հայտարարագրի` տարվա վերջի դրությամբ Մխիթար Հայրապետյանի բանկային հաշիվների մնացորդները կազմել են.
- 14,475 ԱՄՆ դոլար,
- Շուրջ 12.7 մլն ՀՀ դրամ (մի քանի բանկային հաշիվներում՝ 8,315,185 դրամ, 4,294,278 դրամ և 86,773 դրամ):
Բացի այդ, հայտարարագրվել են տարվա ընթացքում հանձնված և վերադարձված խոշոր փոխառություններ (այդ թվոմ՝ Նարեկ Ադամյանին, Արման Աբրահամյանին, «Հայաստան Կառուցապատում» ՍՊԸ-ին և Կարեն Խաչատրյանին), որոնք տարվա վերջում ամբողջությամբ մարվել են (մնացորդը՝ 0 դրամ):
Անշարժ գույքի հիփոթեքի մայր գումարի մնացորդը կազմել է շուրջ 30 մլն դրամ։
Եկամուտները
Հաշվետու տարում Մխիթար Հայրապետյանի եկամուտները ձևավորվել են ԲՏԱ նախարարությունից ստացված աշխատավարձից (ավելի քան 20.6 մլն դրամ) և հիփոթեքային վարկի գծով եկամտահարկի վերադարձից (շուրջ 2.7 մլն դրամ)։
Հիշեցնենք, որ մինչ նախարարի պաշտոնը ստանձնելը, նա զբաղեցնում էր «Իմ Քայլը» բարեգործական հիմնադրամի գործադիր տնօրենի պաշտոնը, իսկ 2019-2021 թթ.՝ ԱԺ պատգամավոր էր:
Կնոջ գույքն ու եկամուտները
Մխիթար Հայրապետյանի կինը՝ Լուսին Վանա Կարապետը, աշխատում է ՀՀ վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ում որպես Սփյուռքի բաժնի ղեկավար։
Որպես շարժական գույք` 2024թ. նա հայտարարագրել է երկու ավտոմեքենա․
- DONGFENG (2022 թ. արտադրության, ձեռք է բերվել 2022-ին),
- VOLKSWAGEN (2001 թ. արտադրության, ձեռք է բերվել 2018-ին)։
Նրա եկամուտը 2025 թվականին կազմել է 11 մլն դրամ, որը ձևավորվել է «Հանրային կապերի և տեղեկատվության կենտրոն» ՊՈԱԿ-ից, Հանրային հեռուստաընկերությունից (քաղիրավական պայմանագրերով) ստացված վարձատրություններից:
ԿԱՐԴԱՑԵՔ ՆԱԵՎ
Ի՞նչ ունեցվածքով է պաշտոնը ստանձնել աշխարհի խորհրդարանների ամենաերիտասարդ նախագահը. հայտարարագիր
Մխիթար Հայրապետյանի ունեցվածքի շարժը․ 2018 թ․ և 2024-2026 թթ․
2018 թվական
- Անշարժ և շարժական գույք․ Ոչինչ չի հայտարարագրել։
- Դրամական միջոցներ․ Ընդամենը 4,500 եվրո։
Անշարժ գույքի ձեռքբերումները 2018-ից հետո
Իշխանափոխությունից հետո Հայրապետյանը ձեռք է բերել 3 միավոր անշարժ գույք․
- Բնակարան Երևանում (2021 թ․, հիփոթեքային վարկով)։
- Ավտոկայանատեղի Երևանում (2023 թ․ հուլիս)։
- Հողամաս Աշտարակում (2023 թ․ հոկտեմբեր)։
- Վարկային պարտավորություն․ Անշարժ գույքի հիփոթեքի մայր գումարի մնացորդը կազմում է շուրջ 30 մլն դրամ։
Ֆինանսական աճը և դրամական միջոցները (ներկայումս)
- Բանկային հաշիվներ. Շուրջ 15,900 ԱՄՆ դոլար և ավելի քան 8.3–12.7 մլն դրամ (տարբեր հաշիվներում)։
- Կանխիկ դրամ․ 4.1–4.9 մլն դրամ և 6,000–8,700 եվրո։
Եկամտի աղբյուրները
- ԲՏԱ նախարարությունում․ Տարեկան աշխատավարձը՝ ավելի քան 20.6 մլն դրամ (+ շուրջ 2.7 մլն դրամ եկամտահարկի վերադարձ)։
- «Իմ քայլը» հիմնադրամում․ Գործադիր տնօրենի պաշտոնում ստացել է 17.6 մլն դրամ աշխատավարձ։
- ԱԺ պատգամավորական շրջան (2019-2021 թթ․)․ Պաշտոնավարել է «Իմ քայլը» խմբակցությունում։
ԿԱՐԴԱՑԵՔ ՆԱԵՎ