Մահացել է Էրիկա Էռնեստովնա Չխարթիշվիլին՝ գրող Բորիս Ակունինի (Գրիգորի Չխարթիշվիլի) կինը և մուսան, հայտնում է Zima Magazine-ը։
Զույգի վերջին համատեղ լուսանկարն արվել էր 2026 թվականի մայիսի 3-ին «Զիմա» ակումբի երեկոյի ժամանակ, որը նվիրված էր բալետի արտիստ Ռուդոլֆ Նուրիևին։ Այդ ժամանակ դեռ ոչ ոք չգիտեր, որ դա կդառնա նրանց վերջին համատեղ հրապարակային հայտնվելը։
Պարբերականի խմբագրակազմը ցավակցություն է հայտնել Գրիգորի Չխարթիշվիլիին և հարգել Էրիկա Էռնեստովնայի հիշատակը։
Էրիկա Չխարթիշվիլին դարձել էր Բորիս Ակունինի կինը 1986 թվականին։ 2026 թվականի մարտին ամուսինները նշել էին համատեղ կյանքի 40-ամյակը։ Էրիկան գրողի ոչ միայն կյանքի ուղեկիցն էր, այլև նրա գրական խմբագիրը՝ անմիջական մասնակցություն ունենալով նրա գրքերի վրա աշխատանքին։ Ըստ Ակունինի, հենց կնոջ հետ վեճն էր «Ազազել» վեպի ստեղծման պատճառներից մեկը, որով էլ սկսվեց Էրաստ Ֆանդորինի մասին ստեղծագործությունների հայտնի շարքը։
Էրիկա Չխարթիշվիլին գրողի երկրորդ կինն էր։ Նրա առաջին կինը Ճապոնիայի քաղաքացի էր։
2014 թվականից ամուսիններն ապրում էին Մեծ Բրիտանիայում։ Բորիս Ակունինն ունի երկքաղաքացիություն։
2023 թվականի դեկտեմբերին Ռուսաստանի իշխանությունները գրողին մեղադրեցին ռուսաստանյան բանակի մասին «ֆեյքեր» տարածելու և ահաբեկչության հրապարակային կոչերի մեջ։ 2024 թվականի հունվարին նրան հայտարարեցին հետախուզման մեջ, իսկ մեկ ամիս անց հեռակա կարգով կալանավորեցին։ 2025 թվականի հուլիսին դատարանը հեռակա կարգով Ակունինին դատապարտեց 14 տարվա ազատազրկման, իսկ դեկտեմբերին ևս մեկ տարի ավելացրեց՝ օտարերկրյա գործակալի գործունեության կարգը խախտելու համար։ Գրողը չի ընդունում իր մեղքը։