Լիխտենշտեյնի իշխանական տան հրապարակված որոշման համաձայն՝ երկրում փոխվել են գահի ժառանգման կանոնները, և այսուհետ սահմանվել է բացարձակ առաջնեկության սկզբունքը, ինչը նշանակում է, որ ապագայում առաջնեկը, անկախ սեռից, կդառնա գահաժառանգ և հետագայում՝ իշխող արքայազն կամ արքայադուստր։
Ինչպես հայտնում է Meduza-ն, այս պատմական փոփոխությունը չի ազդի ներկայիս սերնդի վրա․ 1989 թվականից իշխող Հանս-Ադամ II-ի որդու՝ թագաժառանգ Ալոիսի ավագ զավակը 31-ամյա Յոզեֆ Վենցելն է, ուստի նոր կանոնները տարածվելու են միայն ապագա ժառանգների վրա։