Համաշխարհային բանկը պարբերաբար վերանայում է աշխարհի պետությունների ցանկը` ըստ եկամուտների տարբեր խմբերի դասակարգման։
Առանձնացվում է եկամուտների 4 խումբ՝ ցածր եկամուտներ, միջինից ցածր եկամուտներ, միջինից բարձր եկամուտներ և բարձր եկամուտներ։
- Ցածր եկամուտներ ունեցող երկրներում մեկ շնչի հաշվով տարեկան եկամուտը ցածր է ＄1,175 մակարդակից։
- Միջինից ցածր եկամուտներ ունեցող երկրներում մեկ մարդու հաշվով տարեկան եկամուտը գտնվում է ＄1,176–＄4,635 միջակայքում։
- Միջինից բարձր եկամուտների խմբում տարեկան եկամուտը կազմում է ＄4,636–＄14,375։
- Բարձր եկամուտների խմբում մեկ շնչի հաշվով տարեկան եկամուտը գերազանցում է ＄14,375 մակարդակը։
Նկատելի է, որ այն երկրները, որոնք դասակարգվում են ցածր և միջինից ցածր եկամուտների խմբերում, ստանում են որոշակի օժանդակություն։ Կարգավիճակի փոփոխությունը հանգեցնում է նաև այդ օժանդակության վերանայման։
Վերջին դասակարգման համաձայն՝ աշխարհի 195 երկրները բաշխվել են եկամուտների խմբերում հետևյալ կերպ․
Բարձր եկամուտների խմբում ընդգրկված է 64 երկիր։ Այս խմբում է նաև Ռուսաստանը, որը ԵԱՏՄ միակ երկիրն է, որ դասակարգվել է այս խմբում։
Միջինից բարձր եկամուտների խմբում ներառված են 59 երկիր։ Այստեղ են Հայաստանը և նրա հարևանները, ինչպես նաև Բելառուսը և Ղազախստանը։
Միջինից ցածր եկամուտների խմբում ընդգրկված է 47 երկիր, որոնց թվում է Ղրղզստանը։
Ցածր եկամուտների խմբում ընդգրկված են 25 երկիր։