«Վեոլիա Ջուր» ընկերությունում առաջնահերթ նշանակություն է տրվում ոչ միայն ջրամատակարարման համակարգի, այլև տարիների ընթացքում մաշված ու քայքայված կոյուղագծերի վերանորոգմանն ու վերակառուցմանը։
Խնդիրը հատկապես հրատապ է այն հատվածներում, որտեղ հին ու վթարային կոյուղագծերը չեն կարողանում ապահովել համակարգի բնականոն աշխատանքը և հաճախ դառնում են վթարների ու խափանումների պատճառ։
Այս պահին ընկերության սպասարկման տարբեր բնակավայրերում իրականացվում են հրատապ վերակառուցման և վերանորոգման ծրագրեր՝ նպատակ ունենալով վերականգնել կոյուղատար համակարգերի արդյունավետ աշխատանքը, կանխել վթարային իրավիճակներն ու բարելավել բնակիչներին մատուցվող ծառայության որակը։