Պրոդյուսեր Արմեն Պետրոսյանի (Մենչ) դուստրը՝ Էլինա Պետրոսյանը, ամուսնալուծության մասին հայտարարելուց հետո որոշել է վաճառքի հանել իր հարսանեկան զգեստը։
Էլինան իր ինստագրամյան էջի սթորի բաժնում հրապարակել է զգեստի լուսանկարը և ներկայացրել վաճառքի մանրամասները։ Նա նշել է, որ հավաքածուն ներառում է հարսանեկան զգեստը, քողը, գլխազարդը։
Ուշագրավ է, որ զգեստի սկզբնական գինը կազմել է 32 հազար դոլար, սակայն Էլինան այն այժմ վաճառում է 8000 դոլարով։