ԵՐԵՎԱՆ, 4 սեպտեմբերի․ /ԱՌԿԱ/․ ՀՀ կենտրոնական բանկի նախագահի 2026թ. հուլիսի 01-ի Թիվ N 1/288 Ա որոշմամբ գրանցվել է «Կուբ Ինվեսթ» ՓԲԸ անվանական արժեկտրոնային պարտատոմսերի Ծրագրային ազդագիրը:
«Կուբ Ինվեսթ» ՓԲԸ անվանական արժեկտրոնային պարտատոմսերի տեղաբաշխումն իրականացվելու է 2026 թվականի սեպտեմբերի 11-ից մինչև 2026 թվականի նոյեմբերի 11-ը ժամը 16:30-ն ընկած ժամանակահատվածում:
Պարտատոմսերի ձեռքբերման համար ներդրողները սահմանված կարգով պետք է լրացնեն և պատշաճ կերպով «Կուբ Ինվեսթ» ՓԲԸ առաքեն կամ ներկայացնեն Պարտատոմսերի ձեռքբերման հայտ/հայտեր:
Պարտատոմսերի ձեռքբերման հայտի լրացումից և պատշաճ կերպով «Կուբ Ինվեսթ» ՓԲԸ առաքումից հետո, սակայն ոչ ուշ քան պարտատոմսերի ձեռքբերման օրվա ժամը 16:30-ը պարտատոմս ձեռք բերել ցանկացող իրավաբանական և/կամ ֆիզիկական անձինք պետք է վճարում կատարեն թողարկման նպատակով բացված հետևյալ հաշվեհամարներից որևէ մեկին՝ Էվոկաբանկ ԲԲԸ՝ 1660030016400900,
Ամերիաբանկ ՓԲԸ՝ 1570025547625500,
Արդշինբանկ ԲԲԸ՝ 2470072930190239՝
պարտատոմսերի ձեռքբերման հայտ-հանձնարարականում նշված քանակի պարտատոմսեր ձեռք բերելու համար:
Ծրագրային ազդագրի և Թողարկման վերջնական պայմանների էլեկտրոնային տարբերակը կարելի է բեռնել հետևյալ https://cubeinvest.am/ կայքից, իսկ թղթային տարբերակները` այցելելով «Կուբ Ինվեսթ» ՓԲԸ Վազգեն Սարգսյան 10 հասցեով:
Պարտատոմսերի էական պայմանները
| ԴԱՍԸ | Անվանական արժեկտրոնային |
| ԱՄՏԾ | AMCUBIB21ER1 |
| ԱՆՎԱՆԱԿԱՆ ԱՐԺԵՔԸ | 100,000 ՀՀ դրամ |
| ԸՆԴՀԱՆՈՒՐ ԾԱՎԱԼԸ | 5,000,000,000 ՀՀ դրամ |
| ՔԱՆԱԿԸ | 50,000 հատ |
| ՇՐՋԱՆԱՌՈՒԹՅԱՆ ԺԱՄԿԵՏ | 36 ամիս |
| ԹՈՂԱՐԿՄԱՆ ԱՄՍԱԹԻՎ | 11/09/2026 |
| ՄԱՐՄԱՆ ԱՄՍԱԹԻՎ | 11/09/2029 |
| ԱՐԺԵԿՏՐՈՆԱՅԻՆ ՏՈԿՈՍԱԴՐՈՒՅՔԸ | Տարեկան արժեկտրոնային եկամտաբերությունը հաշվարկվելու է հիբրիդային եղանակով։ ա․ Շրջանառության առաջին 6 ամիսների ընթացքում պարտատոմսերի համար կիրառվելու է տարեկան արժեկտրոնային հաստատագրված տոկոսադրույք, որը կազմում է 10․50%։ բ․ Շրջանառության առաջին 6 ամիսների ավարտից հետո պարտատոսմերի համար կիրառվելու են տարեկան արժեկտրոնային լողացող տոկոսադրույք, մասնավորապես՝ Յուրաքանչյուր կիսամյակի համար սահմանվում է տարեկան արժեկտրոնային տոկոսադրույք՝ ընթացիկ կիսամյակի սկզբին նախորդող աշխատանքային օրվա դրությամբ գործող ՀՀ ԿԲ վերաֆինանսավորման տոկոսադրույքը գումարելով Թողարկողի կողմից որոշված տոկոսադրույքը (spread)՝ 4.00% Հաշվարկված տոկոսադրույքը կհրապարակվի Թողարկողի պաշտոնական ինտերտետային կայքում (www.cubeinvest.am)` էական փաստեր և տեղեկատվություններ պարունակող հաշվետվության տեսքով մինչև տվյալ արժեկտրոնային տոկսադրույքի հաշվարկման օրվա ավարտը։ |
| ԱՐԺԵԿՏՐՈՆՆԵՐԻ ՎՃԱՐՄԱՆ ՊԱՐԲԵՐԱԿԱՆՈՒԹՅՈՒՆԸ | 6 ամիս պարբերականությամբ |
| ՏԵՂԱԲԱՇԽՈՂԸ | «Կուբ Ինվեսթ» ՓԲԸ |