ԱՄՆ-ի վերադարձը Իսլամաբադի հուշագրով ստանձնած իր պարտավորությունների կատարմանը կարող է նպաստել Մերձավոր Արևելքում իրավիճակի կարգավորմանը։ Այս մասին Իրանի ԱԳ նախարար Աբբաս Արաղչին հայտարարել է ճապոնացի գործընկեր Տոսիմիցու Մոտեգիի հետ հեռախոսազրույցի ընթացքում։
«Լուծումը պարզ է։ Ամերիկյան կողմի վերադարձը իր պարտավորությունների կատարմանը և Իսլամաբադի փոխըմբռնման հուշագրի տակ դրված ստորագրության պահպանումը պայմաններ կստեղծի բնականոն իրավիճակին վերադառնալու համար», – նրա խոսքերն է մեջբերում Իրանի ԱԳՆ-ն։
Արաղչին նաև Մոտեգիին պատմել է Իրանի և Օմանի միջև Օրմուզի նեղուցի վերաբերյալ բանակցությունների վերջին փուլերի մասին և հայտնել նեղուցով նավերի անցման ժամանակավոր երթուղու որոշման շուրջ խորհրդակցություններում զգալի հաջողությունների մասին։