Աշխարհում տեղի ունեցող զարգացումները շարունակում են բացասաբար ազդել մարդկանց` առանց այն էլ բարդ սոցիալական վիճակի վրա։ ԱԲ (AI) էկոհամակարգի շարունակական զարգացումները զգալի փոփոխություններ են բերում աշխատաշուկայում։
Հետաքրքիր է ուսումնասիրել Գործազրկության գենդերային տարբերությունը (խզվածքը) աշխատաշուկայում։
Վիճակագրական տվյալներով՝ աշխարհում կանանց և տղամարդկանց գործազրկության մակարդակների տարբերությունը կազմել է ընդամենը 0․2%։
Տարածաշրջանային կտրվածքով պատկերը հետևյալն է․
- Ամենամեծ դրական տարբերությունը՝ 9․4%, արձանագրվել է Հյուսիսային Աֆրիկայում։
- Երկրորդ տեղում են Արաբական պետությունները՝ 8% տարբերությամբ։
- Երրորդ տեղում է Կենտրոնական և Արևմտյան Ասիան՝ 2․4% ցուցանիշով։
Միևնույն ժամանակ, կան տարածաշրջաններ, որտեղ տարբերությունը բացասական է, այսինքն՝ տղամարդկանց գործազրկության մակարդակը գերազանցում է կանանց գործազրկությանը։
Այդպիսի օրինակ է Արևելյան Ասիան՝ -1% ցուցանիշով։ Բացասական արդյունք է արձանագրվել նաև Հարավ-Արևելյան Ասիայում՝ -0․3%, ինչպես նաև Խաղաղօվկիանոսյան և Հյուսիսային Ամերիկայի տարածաշրջաններում՝ -0․1%։