Ռուսաստանում մինչև 2026 թվականի վերջ 300 հազար մարդու մոբիլիզացնելու ծրագրեր չկան, հայտարարել է նախագահի մամուլի քարտուղար Դմիտրի Պեսկովը՝ RTVI-ին տված մեկնաբանությունում։
Ավելի վաղ Bloomberg-ը՝ վկայակոչելով եվրոպացի անվտանգության ոլորտի պաշտոնյայի, հայտնել էր, որ Ռուսաստանը հնարավոր է՝ նախապատրաստվում է մինչև տարեվերջ 300 հազար մարդու զորակոչման։ Պեսկովը հայտարարել է, որ այդ տեղեկությունը չի համապատասխանում իրականությանը, և Ռուսաստանի իշխանությունները նման ծրագրեր չունեն։
Ռուսաստանում մասնակի մոբիլիզացիա Վլադիմիր Պուտինը հայտարարել էր 2022 թվականի սեպտեմբերի 21-ին։ Իշխանությունները նույն տարվա հոկտեմբերի 31-ին հայտնել էին զորակոչի միջոցառումների ավարտի մասին, սակայն մոբիլիզացիայի ավարտի վերաբերյալ նախագահի առանձին հրամանագիր չի հրապարակվել։ 2026 թվականի սեպտեմբերի սկզբին նախագահը հերքել էր մոբիլիզացիայի նոր ալիքի նախապատրաստման մասին տեղեկությունները։