Իրանի հետ հակամարտությունը մինչև սեպտեմբերի 3-ը ամերիկացի հարկատուների վրա արժեցել է 43,6 միլիարդ դոլար։
Այս մասին հայտնում է Punchbowl News-ը՝ հղում անելով ԱՄՆ զինված ուժերի Կենտրոնական հրամանատարության (CENTCOM) զեկույցին, որն ուղարկվել է Կոնգրես։
Հրատարակության տեղեկություններով՝ 11,2 միլիարդ դոլար ծախսվել է գործողությունների իրականացման վրա, 28,1 միլիարդ դոլար՝ զինամթերքի պաշարների համալրման, իսկ 4,3 միլիարդ դոլար՝ կորցրած տեխնիկայի փոխարինման համար։
Ավելի վաղ Կոնգրեսի բյուջետային գրասենյակը հայտնել էր, որ Իրանի հետ հակամարտությունը ամերիկացիների վրա ամսական կարժենա 2–3 միլիարդ դոլար։ Նշվել էր, որ պատերազմի առաջին հինգ ամիսների ընթացքում արդեն ծախսվել էր 38 միլիարդ դոլար։