Իտալիայի վարչապետ Ջորջա Մելոնին հայտարարել է, որ կառավարությունը պատրաստում է օրինագիծ, որն արգելելու է դպրոցներում փարանջա և նիքաբ կրելը, ինչպես նաև յուրաքանչյուր դասարանում օտարերկրյա աշակերտների թվի հետ կապված սահմանափակումներ է մտցնելու։
Եվրոպական մի շարք երկրներում, այդ թվում՝ Ֆրանսիայում և Բելգիայում, արդեն գործում են հասարակական վայրերում դեմքը ծածկող հագուստ կրելու արգելքներ։ Ավստրիան նույնպես սահմանափակումներ է մտցրել դպրոցներում։ Միևնույն ժամանակ, այլ երկրներում, օրինակ՝ Իսպանիայում և Լեհաստանում, խղճի և կրոնի ազատությունը պաշտպանված է Սահմանադրությամբ։
Մելոնին հայտնել է, որ շուտով նախարարների կաբինետի քննարկմանը կներկայացվի միջոցառումների փաթեթ, որը ներառում է դպրոցներում փարանջա և նիքաբ կրելու արգելք, այն աշակերտների ծնողների համար, ովքեր «լուրջ դժվարություններ ունեն ինտեգրվելու ազգային կրթական համակարգին», իտալերեն սովորելու պահանջ, ինչպես նաև օտարերկրյա աշակերտների համար տեղերի թվի սահմանափակում։