«Ուժեղ Հայաստան» խմբակցության քարտուղար Տիգրան Աբրահամյանը խորհրդարանական ճեպազրույցների ժամանակ հայտնել է, որ որոշում են կայացրել պատգամավորներին անկախության օրվա առիթով փոխանցված պարգևավճարներով Տիգրանաշենին տրանսպորտային միջոց նվիրել։
Նրա խոսքով՝ Տիգրանաշենը պետք է զարգանա, իսկ Հայաստանի իշխանությունները պետք է խոսեն ոչ թե բնակավայրի հանձնման կամ խանգարման, այլ դրա զարգացման մասին։ Աբրահամյանը նշել է, որ վերջին տարիներին Տիգրանաշենում որևէ ծրագիր չի իրականացվել, մինչդեռ «Ուժեղ Հայաստանը» պատրաստվում է այնտեղ գյուղմթերքի շուկա գործարկել, որպեսզի բնակիչները կարողանան իրացնել իրենց արտադրանքը՝ հաշվի առնելով գյուղի՝ Հյուսիս-հարավ ճանապարհին գտնվելու հանգամանքը։
Նա նաև նշել է, որ Տիգրանաշենում տրանսպորտի լուրջ խնդիր կա, գործող տրանսպորտը չի աշխատում, և որոշում է կայացվել պարգևավճարների հաշվին գյուղին տրանսպորտային միջոց նվիրել։ Նրա խոսքով՝ այդ միջոցով հնարավոր կլինի Տիգրանաշենը կապել արտաքին աշխարհի հետ և բնակիչներին ապահովել մարզկենտրոն ու մայրաքաղաք հասնելու հնարավորությամբ։
Աբրահամյանը նաև հայտնել է, որ նախատեսում են Տիգրանաշենին խաղաղահրապարակ նվիրել։