Իսրայելը կանչել է Իսպանիայի գործերի ժամանակավոր հավատարմատարին Արտաքին գործերի նախարարություն։ Կանչի պատճառն Իսպանիայի երիտասարդության նախարար Սիրա Ռեգոյի սեպտեմբերի 24-ի հայտարարությունն էր, որում նշվում էր, որ իսպանական հասարակությունն աջակցում է «գետից մինչև ծով ազատ Պաղեստինի» դիրքորոշմանը։
Իսրայելի ԱԳՆ-ն Ռեգոյի հայտարարությունը համարել է Իսպանիայի կառավարության և վարչապետ Պեդրո Սանչեսի կողմից տարվող «համակարգված հակաիսրայելական քաղաքականության» մաս։
Ռեգոն նախկինում քննադատել է Իսրայելի քաղաքականությունը Գազայում և աջակցություն է հայտնել Պաղեստին պետության ճանաչմանը։