Սեպտեմբերի 28-ի գիշերը Կրասնոդարի երկրամասը ենթարկվել է ուկրաինական անօդաչու թռչող սարքերի զանգվածային հարձակման։ Տարածաշրջանի օպերատիվ շտաբի տվյալներով՝ անօդաչուների բեկորների ընկնելու հետևանքով հրդեհներ են բռնկվել երեք քաղաքացիական ենթակառուցվածքի օբյեկտներում։ Տուժածներ չկան։
Ըստ Astra-ի՝ հարձակման է ենթարկվել Նովոտիտարովսկայա բնակավայրի նավթաբազան, որը գտնվում է Կրասնոդարից մոտ 25 կմ հեռավորության վրա։ Նշվում է նաև, որ անօդաչուները հարվածել են «Լուկօյլ-Յուգնեֆտեպրոդուկտ»-ի Պավլովսկայա նավթաբազային, որի միջոցով տարեկան մոտ 150 հազար տոննա վառելիք է անցնում։