44-օրյա պատերազմի տարելիցի օրը իշխանությունից ոչ ոք Եռաբլուր չայցելեց, չհնչեց ոչ մի խոսք։ Փորձում են լռությամբ մոռացությա՞ն տալ հերոսների սխրանքը․ Լևոն Գալստյանը զոհվել է Հադրութում։ Մայրը ՝ տիկին Արմինեն Armat Media-ի հետ զրույցում ասում է՝ որքան էլ փորձեն, պատմությունը ջնջել չեն կարողանալու, ցավը չի մոռացվում․ Մոռացության քաղաքականությունը, սակայն, միայն լռությամբ չի սահմանափակվում։ Պատերազմի տարելիցից առաջ նախ պատից ջնջվեց Ալբերտ Հովհաննիսյանի հայտնի որմնանկարը, հետո մամուլը գրեց՝ Հրազդանի թիվ 10 ավագ դպրոցի Փառքի անկյունը քանդվել է։ Դպրոցի ՔՊ-ական տնօրեն Գոհար Հովհաննիսյանը որոշել է, որ պատը պետք է այսպես ասած «մաքուր» լինի, իսկ Մեծ Հայքի քարտեզը փոխարինել են «իրական Հայաստանի» քարտեզով։ Կարող էինք նույն պատկերն ունենալ առանց զոհերի․ Փաշինյանի այս խոսքերը ամենադաժան հարվածն են դարձել որդեկորույս մայրերի համար։ Հերոսների ծնողները ստիպված են պայքարել նաև մոռացության դեմ։ Սակայն պատմությունը փաստում է․ հիշատակը պատերից ջնջվում է, ազգային հիշողությունից՝ երբեք։
Մանրամասն՝ տեսանյութում