Երևանի Փյունիկի նոր գլխավոր մարզիչ կարող է դառնալ Դմիտրի Գունկոն, իսկ ակումբի գլխավոր տնօրենի սպորտային հարցերով խորհրդական Դմիտրի Սելյուկը, հնարավոր է, լքի պաշտոնը։ Այս մասին հայտնում է Telegram-յան ИнсайдЯН աղբյուրը։
Ըստ տեղեկությունների՝ Հայաստանի քաղաքացիություն ունեցող ռուսաստանցի մասնագետի թեկնածությունն առաջ են քաշել գործակալները։ Նշվում է նաև, որ Սելյուկի հավանական հեռանալը պայմանավորված է նոր գլխավոր մարզչի նշանակման հարցում առաջացած լուրջ տարաձայնություններով։
Հիշեցնենք, որ «Փյունիկի» շուրջ ստեղծված այս իրավիճակը սկիզբ էր առել սեպտեմբերի սկզբին, երբ թիմի գլխավոր մարզիչ Արտակ Օսեյանն ու նրա մարզչական շտաբը փոխադարձ համաձայնությամբ լքեցին իրենց պաշտոնները։ Մարզչի հեռանալուն նախորդել էր հայտնի ֆուտբոլային գործակալ Դմիտրի Սելյուկի հետ ունեցած կոնֆլիկտը, ինչը մեծ արձագանք ստացավ ֆուտբոլային հանրության շրջանում։
Օսեյանի հեռացումից հետո երևանյան թիմի գլխավոր մարզչի պարտականությունները ժամանակավորապես կատարում է Արամ Գյուլբուդաղյանը։
armsport.am