Ռուսական C-400 համակարգերը Թուրքիայից բարեկամ երկիր տեղափոխելու հարցն օրակարգում է, և աշխատանքներն ընթացքի մեջ են։ Այս մասին, ինչպես գրում է ՏԱՍՍ-ը, հայտարարել է ՌԴ նախագահի մամուլի քարտուղար Դմիտրի Պեսկովը։
«Հարցն օրակարգում է, աշխատանքներն ընթացքի մեջ են, և համապատասխան կապեր են հաստատվում»,- հայտարարել է Պեսկովը։
Ռուսաստանի արտաքին գործերի նախարար Սերգեյ Լավրովը նախկինում հայտնել էր Թուրքիայում տեղակայված C-400 հրթիռային համակարգերը Ռուսաստանին բարեկամ երրորդ երկիր տեղափոխելու հնարավորության մասին։ Նա ընդգծել էր, որ Թուրքիան չի կարող հրթիռային համակարգը փոխանցել երրորդ երկրի՝ առանց Ռուսաստանի թույլտվության։