Ֆրանսիայի նախագահ Էմանուել Մակրոնը Իսպանիա երկօրյա պետական այցի երկրորդ օրը հանդիպել է այդ երկրի վարչապետ Պեդրո Սանչեսի հետ։ France 24-ը հաղորդում է, որ Մակրոնն ուրվագծել է իր ռազմավարությունը Եվրոպայում ժողովրդավարության ճգնաժամի և «ծայրահեղությունների» վերելքի խնդիրը հասցեագրելու համար՝ նշելով, որ հարկավոր է մեծ ներդրումներ կատարել «ավելի ուժեղ Եվրոպա» ունենալու գործում։
Մինչ այդ նա ելույթ է ունեցել Մադրիդում տնտեսական համաժողովում՝ նշելով, որ Եվրոպան բախվել է նոր տեսակի էներգետիկ ճգնաժամի։ Նրա խոսքով՝ Եվրոպան հրաժարվել է ռուսական գազից Ուկրաինայի վրա Մոսկվայի հարձակման պատճառով և այդպիսով զրկվել է էժան գազից։ Իսկ Հորմուզի նեղուցում իրավիճակը կրկին ցույց է տվել, որ Եվրոպան մեծ կախվածություն ունի հանածո վառելիքից։
Երկօրյա այցի սկզբում Ֆրանսիայի նախագահին և նրա կնոջն ընդունել են Իսպանիայի թագավոր Ֆելիպե VI-ը և թագուհի Լետիցիան։ Ընդունելությանը ներկա է եղել նաև վարչապետ Պեդրո Սանչեսը։