Ֆրանսիայում ավագ դպրոցների աշակերտների ցույցերը վերածվել են անկարգությունների: Առնվազն երկու դպրոցում հրկիզումներ են եղել, որոշ քաղաքներում ցույցերի մասնակիցները թիրախավորել են իրավապահներին, տարբեր առարկաներ նետել նրանց վրա, վիրավորանքներ հնչեցրել:
Տուժել է 80-ից ավելի իրավապահ, 120 աշակերտ և դպրոցի աշխատակից: Շուրջ 600 մարդ բերման է ենթարկվել:
Շարժմանը միացել են նաև ուսանողները՝ արգելափակելով շուրջ 30 համալսարանի մուտքերը: Մի շարք քաղաքներում դադարեցվել է հասարակական տրանսպորտի աշխատանքը՝ վանդալիզմի և վարորդների վրա հարձակումների պատճառով։
Աշակերտները բողոքում են անձնակազմի պակասի, ուսումնական վատ պայմանների, դասացուցակների և դասարաններում սովորողների մեծ թվի դեմ: