Արցախի թեմի նախկին առաջնորդ Պարգև սրբազանը կոչով դիմել է Ինտերպոլի նախագահին, ՅՈՒՆԵՍԿՕ-ի, Համաշխարհային եկեղեցու խորհրդի, բոլոր քրիստոնեական եկեղեցիների պետերին և ոչ միայն նրանց։
«Վերջերս մենք իմացանք, որ Ադրբեջանի իշխանությունը դիմել է Ինտերպոլին, որպեսզի վերադարձնեն Դադիվանքի մեր 2 խաչքարերը, որմնանկարները և զանգերը։ Ես դիմում եմ նաև Եվրախորհրդարանին, ԱՄՆ նախագահին, կոնգրեսմեններին, սենատորներին, պաշտպանություն կանգնել ճշմարիտ հայկական ժառանգությանը»,- նշել է Պարգև Սրբազանը։