Ավստրալացի տուրիստը ճապոնական Հաքոդաթե քաղաքում ընկել է կամրջից եւ դատական հայց ներկայացրել ընդդեմ քաղաքային իշխանությունների՝ պահանջելով վճարել փոխհատուցում՝ ստացած ողնաշարային ծանր վնասվածքի համար։ Այս մասին հայտնում է The Tokyo Reporter պարբերականը։ Հայցում նշված է, որ հայցատուի փոխհատուցման պահանջած գումարը կազմում է 2,5 միլիոն ամերիկյան դոլար։ Տուրիստը հայտարարել է, որ կամրջի այդ տեղամասում արգելապատնեշը ընդամենը 56 սմ բարձրություն է ունեցել եւ չի ապահովել անվտանգություն, ինչի պատճառով էլ ինքը սայթաքել ու ընկել է մոտ երեք մետր բարձրությունից։ Դեպքը տեղի է ունեցել Սիթիձեյ կամրջի վրա։
Քաղաքային իշխանությունները, ըստ նրա, պետք է ավելի բարձր արգելապատնեշ դրած լինեին կամ էլ՝ հավելյալ պաշտպանիչ պարիսպ կառուցած։ Քաղաքային իշխանությունները հայտարարել են, որ դատարանից համապատասխան ծանութացիր դեռ չեն ստացել, հետեւաբար՝ չեն կարող առայժմ մեկնաբանել տեղի ունեցածը։