Արքայազն Հարրին չհայտարարված այցով ժամանել է Ուկրաինայի մայրաքաղաք։
«Կիև ժամանելով՝ Հարրին ասել է․ «Ուրախ եմ կրկին լինել Ուկրաինայում»։ Նա ITV News-ին հայտնել է, որ ցանկանում է «հիշեցնել մարդկանց իր հայրենիքում և ամբողջ աշխարհում, թե ինչի հետ է առերեսվում Ուկրաինան, ինչպես նաև աջակցել այն մարդկանց ու գործընկերներին, ովքեր ամեն ժամ, ամեն օր իրականացնում են արտակարգ աշխատանք՝ աներևակայելի բարդ պայմաններում»», – նշել է ITV NEWS-ի բրիտանացի լրագրող Քրիս Շիփը։
Հաղորդվում է, որ արքայազն Հարրին կմասնակցի Կիևի անվտանգության ֆորումին։ Սա արքայազնի երրորդ այցն է Ուկրաինա՝ պատերազմի սկսվելուց ի վեր։