«Մեծ Յոթնյակի երկրները» իրենց ռազմավարական պաշարներից ընդհանուր առմամբ 100 միլիոն բարել նավթ եւ դիզելային վառելիք «կներարկեն» շուկա։ Այս մասին հայտարարել Ֆրանսիայի նախագահ Էմանուել Մակրոնը։ Նախատեսվում է, որ դա կարվի առաջիկա 4 ամիսների ընթացքում՝ աշխարհում նկատվող վառելիքային ճգնաժամը մեղմելու համար։
Զուգահեռաբար՝ անցյալ շաբաթվա նավթի արտահանման ծավալները ուսումնասիրելիս, կարելի է եզրակացնել, որ հատկապես Սաուդյան Արաբիայի արտահանումները սկսել են վերադառնալ այն ցուցանիշներին, որոնք եղել են նախքան Իրանի դեմ ամերիկա-իսրայելական տանդեմի ռազմարշավի ձեռնարկումը։ Սակայն պետք է նկատել, որ վառելիքի տեղափոխումը շարունակում է իրականացվել շատ ավելի մեծ ծախսեր կատարելով։ Վերլուծաբանները կարծում են, որ ձեռնարկված քայլերը գոնե առժամապես կզսպեն գները, թեեւ միշտ կա ռիսկ, որ Պարսից ծոցի ավազանի երկրների էներգետիկ ենթակառուցվածքներում հնարավոր է նոր խափանումներ լինեն՝ հնարավոր էսկալացիայի դեպքում։