Թուրքիա-Ադրբեջան հարաբերությունները երկար տարիներ ներկայացվել են «մեկ ազգ, երկու պետություն» բանաձևով։ Բայց վերջին շրջանում Բաքվի նկատմամբ դժգոհության ձայները լսվում են նաև Թուրքիայում։ Ստամբուլում Ադրբեջանի հյուպատոսության առջև բողոքի ակցիան սկսվել է հիջաբի շուրջ ստեղծված վիճակի պատճառով, սակայն արագ վերածվել է Ադրբեջանի ներքին ու արտաքին քաղաքականության քննադատության։ Իսրայելի հետ Բաքվի հարաբերությունները, Անկարայի ու Բաքվի տարբեր դիրքավորումները և Ադրբեջանի՝ ավելի ինքնուրույն դերակատար դառնալու ձգտումը նոր հարցեր են առաջ բերում։ Ի՞նչ է կատարվում «մեկ ազգ, երկու պետություն» բանաձևի ներքո։