Ամռան վերջին ամիսը լի էր տարատեսակ իրադարձություններով, որոնք շարունակում են պահպանել լարվածությունը Հայաստանի շուրջ։ Մասնավորապես, անհանգստացնող է ԱՄՆ-Իրան հակամարտությունը, որը չի կարգավորվում, այլ ձեռք է բերել «քրոնիկ» բնույթ։ Այս վիճակը թույլ չի տալիս` Հարավային Կովկասում սպասվող տնտեսական իրադարձությունները մտնեն ամբողջական փուլի մեջ։ Բացի այդ՝ անորոշ ու անկայուն է իրավիճակը ՌԴ-Հայաստան հարաբերություններում։ Գազի գնի սպասվող թռիչքաձև աճը լրացուցիչ ճնշումներ է գործադրում ՀՀ տնտեսության վրա։
Դիտարկենք` այս պայմաններում ՀՀ տնտեսությունն ինչ ցուցանիշներ է գրանցել.
Համաձայն ՎԿ տվյալների՝ 2026թ․ օգոստոսին արդյունաբերական արտադրանքի ծավալը կազմել է ֏277,402 մլն, իսկ շինարարության ծավալը՝ ֏102,403 մլն:
2026թ․ օգոստոսին առևտրաշրջանառության մակարդակն արձանագրել է ֏620,129 մլն, իսկ ծառայությունների ծավալը՝ ֏420,544 մլն արդյունքները:
2026թ․ օգոստոսին ՀՀ-ում արտադրվել է 949 մլն կՎտ./ժ էլեկտրաէներգիա:
Միջին ամսական անվանական աշխատավարձը սույն թվականի օգոստոսին կազմել է ֏ 314,196: Իսկ արտահանման և ներմուծման ծավալները նույն ամսում կազմել են համապատասխանաբար $574 մլն և $1,090 մլն։
Վերը բերված ցուցանիշները հնարավոր կլինի լիովին մեկնաբանել և դրանց փոփոխության միտումն ըմբռնել, եթե դրանց 2026թ․ օգստոսին արձանագրված արդյունքները համեմատության մեջ դրվեն 2025թ․ օգոստոսին և 2026թ․ հուլիսին արձանագրված արդյունքների համապատասխան մակարդակների հետ.
Տնտեսական ակտիվության ցուցանիշը (ՏԱՑ) 2026թ․ օգոստոսին նախորդ տարվա հուլիսի համեմատ կազմել է 5․2%, իսկ նախորդ ամսվա համեմատ՝ 4․5%։
Արդյունաբերության համախառն արտադրանքի ծավալների անկումը 2026թ․ օգոստոսին 2025թ․ օգոստոսի համեմատ կազմել է –4․3%, իսկ հուլիսի համեմատ՝ 1․9%:
2026թ․օգոստոսին 2025թ․ նույն ամսվա համեմատ առևտրաշրջանառության ծավալների չնչին աճ է դիտվել՝ 0․1%-ով, իսկ նախորդ ամսվա համեմատ արձանագրվել է աճ՝ 1․3%-ով։
Ծառայությունների ծավալի աճը նախորդ տարվա օգոստոսի համեմատ կազմել է 11․4%, իսկ ընթացիկ տարվա հունիսի համեմատ անկումը հաստատվել է՝ -1․3%։
2026թ․օգոստոսին նախորդ տարվա նույն ամսվա համեմատ գնաճը կազմել է 4․4%, իսկ նախորդ ամսվա համեմատ` 0․2%։
2026թ․ օգոստոսին 2025թ․ օգոստոսի համեմատ միջին ամսական անվանական աշխատավարձն աճել է 6․5%-ով, իսկ 2026թ․ հուլիսի համեմատ նվազել է՝ 2%-ով։
ԿԱՐԴԱՑԵՔ ՆԱԵՎ
ՇԱՆՍ-իր և շահիր Արցախբանկի Mastercard-ով
Արտահանման ծավալները 2026թ․ օգոստոսին նախորդ տարվա օգոստոսի համեմատ աճել են 1․3%-ով, իսկ ներմուծման ծավալներն աճել են 14․9%-ով։
- Ամփոփելով 2026թ․ օգոստոսին արձանագրված արդյունքները` նշենք, որ բավականին մտահոգիչ է արդյունաբերության համախառն արտադրանքի ծավալներում արձանագրված անկումը, ինչպես նաև առևտրաշրջանառության ծավալների բավականին փոքր աճը։