Կոլումբիայի հարավ-արևմուտքում գտնվող Կաուկա շրջանում ռազմական ուղղաթիռի վթարի հետևանքով 19 մարդ վիրավորվել է։
Կոլումբիական լրատվամիջոցների փոխանցմամբ՝ երկրի բանակին պատկանող UH-60 Black Hawk ուղղաթիռը վթարի է ենթարկվել Պոպայան քաղաքի և Ինսա մունիցիպալիտետի միջև՝ անձնակազմ և պաշարներ տեղափոխելիս։
Վթարի հետևանքով տասնինը զինծառայող տարբեր աստիճանի վնասվածքներ է ստացել։
Ըստ իշխանությունների՝ վիրավորվել են անձնակազմի չորս անդամ և 15 զինվոր։
Միջադեպից հետո տարածք են ուղարկվել ռազմական ստորաբաժանումներ և արտակարգ իրավիճակների արձագանքման խմբեր, որոնք անհրաժեշտ օգնություն են ցուցաբերել տուժածներին։
Բանակը հայտարարել է, որ սկսվել է հետաքննություն՝ վթարի պատճառը պարզելու համար։