«Ուժեղ Հայաստան» խմբակցության քարտուղար Տիգրան Աբրահամյանը հայտնել է, որ իրենք առաջարկում են փոփոխություններ կատարել «Դեղերի մասին» օրենքում՝ հեշտացնելով ԵՄ-ում գրանցված շուրջ 25 հազար դեղերի գրանցումը Հայաստանում։
Նրա խոսքով՝ առաջարկվում է ներդնել դեղերի ճանաչման կարգ, որի համաձայն՝ ԵՄ-ում գրանցված դեղերը ՀՀ-ում հնարավոր կլինի գրանցել մեկշաբաթյա ժամկետում՝ փաստաթղթային փորձաքննության միջոցով։
Աբրահամյանն ակնկալում է, որ օրենսդրական նախաձեռնությանը կաջակցեն նաև մյուս խմբակցությունները, այդ թվում՝ ՔՊ-ն։ Նրա պնդմամբ՝ առաջարկը կնպաստի դեղերի գների նվազմանը, մրցակցության բարձրացմանը և ԵՄ-ի հետ ինտեգրմանը։