ԱՄՆ դեսպանատան Ֆեյսբուքի էջում տեսանյութ է հրապարակվել և կից հաղորդագրություն տարածվել, որոմ տեղեկացվում է, որ առաջատար տեխնոլոգիաների, մասնագիտացված սարքավորումների և ամերիկյան փորձագիտական աջակցության միջոցով Միացյալ Նահանգներն օգնում է Հայաստանի իրավապահ մարմիններին՝ ամրապնդելու քննչական կարողությունները:
«Կիբեռհանցագործության դեմ պայքարն ընդհանուր առաջնահերթություն է Միացյալ Նահանգների և Հայաստանի համար։
Առաջատար տեխնոլոգիաների, մասնագիտացված սարքավորումների և ամերիկյան փորձագիտական աջակցության միջոցով Միացյալ Նահանգներն օգնում է Հայաստանի իրավապահ մարմիններին՝ ամրապնդելու քննչական կարողությունները, պայքարելու անդրազգային կիբեռհանցագործության դեմ և պատասխանատվության ենթարկելու հանցագործներին։
Դիտեք, թե ինչպես է այս գործընկերությունը նպաստում առավել անվտանգ միջավայրի ձևավորմանը և ապահովում շոշափելի արդյունքներ»,- նշված է հաղորդագրությունում։