Հայաստանի կենսաբազմազանության պահպանության և էկոլոգիական ժողովրդավարության ամենասուր հիմնախնդիրներից մեկը՝ Ամուլսարի ոսկու հանքավայրի շահագործման հարցը, կբարձրաձայնվի ՄԱԿ-ի Կենսաբազմազանության կոնվենցիայի կողմերի 17-րդ համաժողովի (COP17) շրջանակում:
Հրավիրում ենք լրատվամիջոցների ներկայացուցիչներին, համաժողովի պատվիրակներին և բոլոր շահագրգիռ անձանց՝ հոկտեմբերի 24-ին, ժ․ 15:00–16:00 COP17-ի Կանաչ գոտում ներկա գտնվելու հատուկ այս թեմային նվիրված ֆիլմի ցուցադրությանը և դրան հաջորդող բաց քննարկմանը։
Միջոցառումը կանցկացվի «Ամուլսարի ոսկու հանքավայրի հարցը COP17-ի կենսաբազմազանության հանձնառությունների համատեքստում» (The Amulsar Gold Mine Case in the Context of COP17 Biodiversity Commitments) խորագրի ներքո։
Սա կարևոր հարթակ է՝ խոսելու ճնշման տակ գտնվող բնապահպանական ժողովրդավարության, հանքարդյունաբերության և այն սոցիալ-էկոլոգիական կոնֆլիկտների մասին, որոնք ուղղակիորեն ազդում են Հայաստանում կենսաբազմազանության պահպանման վրա։
Տեղեկացնում ենք, որ միջոցառման ընթացքում համաժամանակյա թարգմանություն նախատեսված չէ։
Եկե՛ք միասին վերլուծենք հանքարդյունաբերության ազդեցությունը մեր էկոհամակարգերի վրա և պահանջատեր լինենք միջազգային հարթակներում ստանձնած բնապահպանական հանձնառությունների կատարմանը։
Սպասում ենք ձեզ COP17-ի «Կանաչ գոտում»՝ CBD-Alliance հաբում։