Դերասան, ռեժիսոր Սամվել Թադեւոսյանը Ուզբեկստանի մայրաքաղաք Տաշքենդում կայացած «Silk Road Tribute Gala»-ի («Մետաքսի ճանապարհ» պատվո գալա-երեկո) շրջանակում արժանացել է «Ոսկե գլոբուսի» «Beacon Award» մրցանակին:
Ամերիկյան հեղինակավոր մրցանակաբաշխության՝ առաջին անգամ անցկացված «Մետաքսի ճանապարհ» պատվո գալա-երեկոն նվիրված էր Կենտրոնական Ասիայի ու Կովկասի կինոյի եւ հեռուստատեսության ներկայացուցիչներին:
Մրցանակը Սամվել Թադևոսյանին շնորհվել է որպես կինոյի, հեռուստատեսության եւ թատրոնի դերասանի, որի ստեղծագործական աշխատանքն արտացոլում է տարածաշրջանի նոր սերնդի տաղանդը։