Երևանի քաղաքապետ Տիգրան Ավինյանը հայտարարել է, որ մայրաքաղաքը պետք է ամբողջությամբ անցնի էլեկտրական ավտոբուսների։
«Հաջորդ փուլում պետք է լուծենք Higer մակնիշի ավտոբուսները փոխարինելու հարցը, որի մասին այս տարի արդեն խոսել ենք։ Կարծում եմ՝ ժամանակն է, որ մենք ամբողջությամբ անցնենք էլեկտրական ավտոբուսների։ Սա նշանակում է, որ մեր տրանսպորտի վարչությունը հաջորդ մրցույթը պետք է հայտարարի բացառապես էլեկտրական ավտոբուսների գնման համար»,- ասել է նա։
Քաղաքապետն անդրադարձել է նաև ավտոբուսների համար առանձնացված գծերի ստեղծման հարցին՝ ընդգծելով, որ այս տարի ակնկալում են այդ ուղղությամբ փուլային ծրագիր իրականացնել։
«Ավտոբուսային գծերն էականորեն փոխում են հանրային տրանսպորտի աշխատանքի որակն ու հաճախականությունը»,- ասել է նա։
Տիգրան Ավինյանի խոսքով. «Մեր հաջորդ գնումը լինում է էլեկտրական ավտոբուսների գնում, այս տարվանից սկսում ենք իրականացնել առանձացված գծերի անբողջական ծրագիրը՝ փուլերով»։