COP17-ի նախագահ, ՀՀ շրջակա միջավայրի նախարար Համբարձում Մաթևոսյանը բացման խոսքով հանդես է եկել գենետիկական ռեսուրսների հասանելիությանը և դրանց օգտագործումից ստացվող օգուտների արդար ու հավասար բաշխմանը նվիրված միջոցառմանը։
Հայաստանի՝ Նագոյայի արձանագրությանը միանալու համատեքստում կարևորվել են Հնդկաստանի փորձի ուսումնասիրությունն ու երկկողմ համագործակցության ընդլայնումը։
Քննարկման ընթացքում ընդգծվել է օգուտների արդար բաշխման նշանակությունը կենսաբազմազանության պահպանության, տեղական համայնքների բարեկեցության, ինչպես նաև գիտելիքի և տեխնոլոգիաների հասանելիության ապահովման համար։
COP17-ի նախագահը վերահաստատել է համատեղ հանձնառությունները գործնական արդյունքների վերածելու կարևորությունը։
