Ուկրաինայի նախագահ Վոլոդիմիր Զելենսկին պատրաստ է Ռուսաստանի նախագահ Վլադիմիր Պուտինի հետ քննարկել ամենաբարդ հարցերը, այդ թվում՝ տարածքային։
Այս մասին հայտարարել է Ուկրաինայի արտաքին գործերի նախարար Անդրեյ Սիբիգան։
Նրա խոսքով՝ երկու երկրների առաջնորդների ուղիղ հանդիպումը կարող է նոր ազդակ հաղորդել բանակցություններին։
Նախարարը նշել է, որ Կիևը պատրաստ է նման հանդիպում անցկացնել ցանկացած երկրում, բացի Ռուսաստանից և Բելառուսից։
Սիբիգան բանակցությունների հնարավոր արդյունքների թվում նշել է նաև ռազմագերիների փոխանակումն ու ուկրաինացի երեխաների վերադարձը։