Թուրքիայի նախագահ Ռեջեփ Թայիփ Էրդողանն Անկարայում՝ Թյուրքական պետությունների կազմակերպության (ԹՊԿ) գագաթնաժողովի շրջանակում, ընդունել է Ադրբեջանի արտաքին գործերի նախարար Ջեյհուն Բայրամովին։
Այս մասին հայտնել են Ադրբեջանի արտաքին գործերի նախարարությունից։
Նշվում է, որ հանդիպման ընթացքում կողմերը քննարկել են Ադրբեջանի և Թուրքիայի հարաբերությունների ներկա վիճակը և ընդգծել երկու երկրների միջև դաշնակցային կապերի հետագա ամրապնդման կարևորությունը։
Բացի այդ, մտքեր են փոխանակվել ԹՊԿ շրջանակում համագործակցության ընդլայնման, թյուրքական աշխարհի միասնության և համերաշխության ամրապնդման հարցերի շուրջ։ Քննարկվել են նաև փոխադարձ հետաքրքրություն ներկայացնող տարածաշրջանային հարցեր։