Իրանը որոշում կկայացնի ԱՄՆ-ի հետ ուղիղ կամ անուղղակի բանակցություններ վարելու հարցի վերաբերյալ այն բանից հետո, երբ Վաշինգտոնը համաձայնի Թեհրանի պայմաններին։ Այս մասին շաբաթ օրը հայտարարել է Իրանի արտգործնախարար Աբբաս Արաղչին։
«Մենք կորոշենք՝ վարել ուղիղ, թե անուղղակի բանակցություններ ԱՄՆ-ի հետ, այն բանից հետո, երբ Վաշինգտոնը կհամաձայնի մեր պայմաններին», –ասել է Արաղչին «Ալ Ջազիրա» հեռուստաալիքին։
Նա նշել է, որ Թեհրանը չի բացառում պատերազմի սկսվելու հավանականությունը և պատրաստ է բոլոր սցենարներին։
Նախարարի խոսքով՝ Թեհրանն արդեն արդիականացրել է իր սպառազինությունը և փորձարկել նոր տեսակի զենքեր։ Բացի այդ, զինվորականները վերացրել են պաշտպանության համակարգում ավելի վաղ հայտնաբերված թույլ կողմերը։
Դիվանագետն ընդգծել է, որ իշխանությունները դիտարկում են իրավիճակի հետագա զարգացման բոլոր հնարավոր սցենարները։