«Իրավական գնահատական չեմ կարող տալ, բայց գլոբալ իմաստով, իհարկե, անցանկալի իրավիճակ է»,- լրագրողների հետ զրույցում ասել է փոխվարչապետ Մհեր Գրիգորյանը՝ արձագանքելով ԱԺ-ում անցած շաբաթ տեղի ունեցած ծեծկռտուքի վերաբերյալ հարցին։ Մյուս հարցին, թե արդյոք պետք է հետևանքներ լինեն և գլխավոր դատախազը գա կոնկրետ անձանց հետևից, փոխվարչապետը պատասխանել է․ «Դա իրավական հարթության հարց է, չեմ կարող պատասխանել, բայց համագործակցության տեսանկյունից և պառլամենտական աշխատանքի տեսանկյունից, իհարկե, նման բաներ լինում են, բայց անձամբ իմ ճաշակով չէ դա»։