Քաղաքագետ Հայկ Մարտիրոսյանի ֆեյսբուքյան գրառումը. «Ամեն քայլափոխի հանդիպող բռնության ու խուժանության դրսևորումները պարզ, մեկուսի երևույթներ չեն:
Դրանք հասարակության, արդեն իսկ փլուզվածության, հասարակությունում նախնադարյան հասարակարգի բարքերի` տարածված նորմ լինելու վկայություն են:
Հայաստանի իրապես ամենաանկախ լրագրողներից մեկի` լրատվամիջոցի ղեկավարի վրա հարձակումն գարշելի մթնոլորտի ցուցիչ է:
Երբ փողոցում բռնության են ենթարկում ինտելիգենտ, մտավորական հասարակական գործչին, անկաշառ լրագրողին, դա ոչ թե պարզ կրիմինալ է, այլ` հասարակության վերաբերմունքը իր մեջ դեռ մնացած որակի հանդեպ:
Վստահ չեմ, որ հանցագործները կպատժվեն: Վստահ եմ, որ նման դեպքերն ավելի են շատանալու:
Թեև սիմվոլիկ և ոչ մի գործնական նշանակություն չունեցող բան է` բայց այնուամենայնիվ սատարում եմ հայտնում Գևորգ Էմին-Տերյանին»։