Oragir.News-ի «Ըստ էության» հաղորդաշարի տաղավարում հյուրընկալել ենք «Ժառանգություն» կուսակցության վարչության նախագահ Անդրանիկ Գրիգորյանին։
Նրա հետ խոսել ենք «Ժառանգություն» կուսակցության 14-րդ համագումարի, հանրությանը ներկայանալու գաղափարական հենքի, հունիսի 7-ի ընտրություններին չմասնակցելու, Սամվել Կարապետյանի «Ուժեղ Հայաստան» կուսակցությանն աջակցելու որոշման, արտաքին աջակցության պարագայում Նիկոլ Փաշինյանին ընտրություններով հեռացնելու հնարավորության, նախօրեին «Գելլափի» հրապարակած հարցումների արդյունքների, ըստ դրանց՝ Ռոբերտ Քոչարյանի ուժի անցողիկ շեմը չհաղթահարելու և մի շարք այլ հարցերի շուրջ։
«Եթե որևէ մեկը կարծում է, որ Նիկոլ Փաշինյանն արևմտամետ քաղաքականություն է վարում, ինքը չարաչար սխալվում է, Փաշինյանն աթոռամետ քաղաքականություն է վարում, իր աթոռի դիրքը որ ռակուրսում հարմար է, այդ քաղաքականությունն էլ ինքը վարում է»,- ասաց Գրիգորյանը։
Նրա խոսքով՝ պետք չէ Նիկոլ Փաշինյանի գործողություններում լուրջ քաղաքական պարադիգմա փնտրել։
«Մի օր ինքը համեմատվում է Հիսուս Քրիստոսի հետ, մի օր՝ Սմբատ Երկրորդի, մի օր Պապ թագավոր է։ Դեռ Տիգրան Մեծ չի դարձել, և ի ուրախություն մեզ, գոնե պատմության այդ անկյունը անպիղծ է մնացել»,- նշեց նա։
Մանրամասները՝ տեսանյութում․