Վենեսուելայի նախկին նախագահ Նիկոլաս Մադուրոն, որը պահվում է Բրուքլինում, ազատ ժամանակն անցկացնում է կրոնական գրականություն կարդալով և փիլիսոփայություն ուսումնասիրելով. հայտնում է The New York Times-ը։
Մադուրոն կարդում է Աստվածաշունչ և Ղուրան, ինչպես նաև հանդիպում է բանտի հոգևոր սպասավորների, այդ թվում՝ քահանայի և ռաբբիի հետ։ Ձերբակալությունից հետո նա հետաքրքրություն է ցուցաբերել հուդայականության նկատմամբ։ Մադուրոն նախկինում հրապարակայնորեն հայտարարել էր իր սեֆարդյան հրեական ծագման մասին, սակայն նրա շրջապատը պնդում է, որ նախկինում նա այդ կրոնի նկատմամբ հետաքրքրություն չի ցուցաբերել։
Հունվարի 3-ին Մադուրոն և նրա կինը՝ Ֆլորեսը ձերբակալվել և դուրս են բերվել երկրի տարածքից, այնուհետև տեղափոխվել Նյու Յորքի դաշնային դատարան։ CNN-ը հոկտեմբերի 7-ին հայտնել էր, որ Նյու Յորքի դատախազությունը պատրաստվում է նոր մեղադրանքներ ներկայացնել Մադուրոյի և նրա կնոջ դեմ՝ ԱՄՆ քաղաքացիների ենթադրյալ խոշտանգումների առնչությամբ։ Դրանք վերաբերում են այն դեպքերին, որոնք ԱՄՆ կառավարությունը դասակարգում է որպես ամերիկացի քաղաքացիների ապօրինի կալանավորում Վենեսուելայի բանտերում այն ժամանակահատվածում, երբ Մադուրոն իշխանության էր։