Իրանը հայտարարել է ԱՄՆ-ի կողմից նոր ռազմական հարվածների սպառնալիքների պայմաններում իր միջուկային օբյեկտներում լիարժեք ստուգումներ իրականացնելու անհնարինության մասին։ Այս մասին ասվում է Վիեննայում Իրանի ներկայացուցչության՝ Ատոմային էներգիայի միջազգային գործակալությանը (ԱԷՄԳ) ուղարկած 10-էջանոց նամակում, հայտնում է Bloomberg-ը։
Փաստաթղթում, որը գործակալությանը փոխանցվել և դիվանագետների շրջանում տարածվել է անցյալ շաբաթվա վերջին, Թեհրանը նշել է, որ իր միջուկային օբյեկտների վրա հարձակումներն ու նոր հարվածների սպառնալիքն անհնար են դարձրել սովորական ստուգումների անցկացումը։
Իրանը հայտարարել է նաև, որ պարտավոր չէ թույլատրել լիարժեք միջազգային միջուկային մշտադիտարկում, քանի դեռ շարունակում է գտնվել ամերիկյան ռազմական հարձակումների սպառնալիքի տակ։ Այսպիսով, Թեհրանը կոշտացրել է իր դիրքորոշումը միջազգային տեսուչների նկատմամբ։