ԿԲ-ն շրջանառության մեջ է դնում «Սևանավանք» արծաթե հուշադրամը

ԵՐԵՎԱՆ, 13 նոյեմբերի․ /ԱՌԿԱ/․ 2026 թվականի նոյեմբերի 13-ին ՀՀ կենտրոնական բանկը շրջանառության մեջ է դնում «Պատմական դռներ» հուշադրամների շարքի «Սևանավանք» արծաթե հուշադրամը, հայտնում են ԿԲ-ից։

«Սևանավանք» արծաթե հուշադրամը առանձնանում է դիմերեսին և դարձերեսին կիրառված ուլտրաբարձր ռելիեֆի փորագրության տեխնոլոգիայով, ինչն էլ ավելի արտահայտիչ է դարձնում միջնադարյան հայ արհեստավարժ վարպետների կերտած բարձրաճաշակ դռան գեղեցկությունը:

Հուշադրամի դիմերեսին պատկերված է ՀՀ զինանշանը, իսկ դարձերեսին՝ Սևանավանքի Սուրբ Առաքելոց եկեղեցու 1486 թվականի դուռը։

Հուշադրամը հատվել է Գերմանիայի «B.H. Mayer Mint» դրամահատարանում։

Հուշադրամն ունի 2000 դրամ անվանական արժեք։ Այն պատրաստված է 999,9 հարգի արծաթից, կշռում է 62,2 գրամ և ունի 50 մմ տրամագիծ։

Թողարկումը սահմանափակված է մինչև 999 օրինակով։

Պատմական դուռը հայկական մշակութային ժառանգության արժեքավոր նմուշ է, գտնվում է Հայաստանի պատմության թանգարանում՝ հատուկ պետական պահպանության ներքո:

Leave a Reply

Your email address will not be published. Required fields are marked *