Ֆրանսիայի նախագահ Էմմանուել Մակրոնը Արսեն Վենգերին հորդորել է պայքարել ՖԻՖԱ-ի նախագահի պաշտոնի համար: Այս մասին հայտնել է The Telegraph-ը։
Ըստ թերթի՝ Մակրոնը կապ է հաստատել «Արսենալի» նախկին գլխավոր մարզիչ Արսեն Վենգերի հետ՝ առաջարկելով նրան առաջադրվել թեկնածու և պայքարել Ջանի Ինֆանտինոյի դեմ։ Արսեն Վենգերը 2019 թվականից ՖԻՖԱ-ի՝ ֆուտբոլի գլոբալ զարգացման գծով ղեկավարն է։
Նշվում է նաև, որ Մակրոնը պատրաստ է համոզել աշխարհի այլ առաջնորդներին՝ աջակցելու Վենգերին։