Ռուսաստանի հետ հարաբերությունների հարցերով Վրաստանի վարչապետի հատուկ ներկայացուցիչ Գիորգի Զուրաբաշվիլիի և Ռուսաստանի արտաքին գործերի փոխնախարար Միխայիլ Գալուզինի առաջին հանդիպումը կկայանա առաջիկայում։ Այս մասին լրագրողների հետ զրույցում հայտարարել է Վրաստանի վարչապետ Իրակլի Կոբախիձեն։
Նրա խոսքով՝ հանդիպումը կարող է կայանալ ոչ թե Թբիլիսիում կամ Մոսկվայում, այլ մեկ այլ վայրում։
«Մենք այդ մասին կտեղեկացնենք հանրությանը», — հավելել է Կոբախիձեն։
Վարչապետն ընդգծել է, որ Զուրաբաշվիլիի և Գալուզինի միջև շփումներն ակտիվորեն շարունակվում են, իսկ հանդիպմանը կքննարկվեն բանակցային ձևաչափով նախատեսված բոլոր հարցերը։