Իրանի արտաքին գործերի նախարար Աբբաս Արաղչին երկուշաբթի կմեկնի Ռուսաստան․ այս մասին հայտնել են ՌԴ-ում Իսլամական Հանրապետության դեսպանատնից։
Հայտարարության համաձայ՝ նախարարն ակնկալում է քննարկել ռուսական կողմի հետ Մերձավոր Արևելքում հակամարտության շուրջ բանակցությունների ներկայիս վիճակը և հակամարտության շուրջ զարգացումները։
«Հաշվի առնելով երկրների միջև երկկողմ հարաբերությունները, նաև այն փաստը, որ Իրանն ու Ռուսաստանը՝ որպես հարևաններ, ընդհանուր տեսլական ունեն տարածաշրջանային և միջազգային մի շարք հարցերի շուրջ՝ մենք տեսնում ենք կանոնավոր շփումներ ամենաբարձր մակարդակում», – նշել է Ռուսաստանում Իրանի դեսպան Քազեմ Ջալալին։
Իրանական լրատվամիջոցների տվյալներով՝ նախատեսված է Արաղչիի հանդիպումը նախագահ Վլադիմիր Պուտինի հետ։