Նախօրեին լրագրողների հետ զրույցում ՔՊ խմբակցության պատգամավոր Անդրանիկ Քոչարյանն ասել է, որ իր տղան գիտելիքների շնորհիվ չի ծառայել։
«Իմ տղան շատ բարձրակարգ տղա է, դուք իր գիտելիքների չափ ունենայիք, դուք էլ չէիք ծառայի։ Այո, իմ տղան չի ծառայել, դիմեք գլխավոր դատախազին»,- նշել է Անդրանիկ Քոչարյանը։
Oragir.News-ը շրջել է մայրաքաղաքի փողոցներում և անցորդներին հարց ուղղել․ «Նորմա՞լ է, որ Անդրանիկ Քոչարյանը հպարտանում է, որ իր բարձրակարգ տղան գիտելիքների շնորհիվ չի ծառայել բանակում»։
Հարցվածների մի մասը նշեց, որ դա նորմալ չէ և այդ հայտարարություններով Անդրանիկ Քոչարյանը վիրավորում է զոհվածների հարազատերին, որոշներն էլ ասացին, որ չեն լսել այդ հայտարարությունը։
«Չէ, բոլոր գիտակից մարդիկ պետք է ծառայեն»,- պատասխանեց քաղաքացիներից մեկը։
Մեկ այլ անցորդ էլ ասաց, որ դա դատապարտելի արտահայտություն է։ «Իհարկե ոչ, ինչքան ավելի գիտուն երեխաներ գնացին և զոհվեցին։ Ես դատապարտում եմ նման արտահայտությունը, երևի այդ մարդու բնությունն ա այդպիսին, բայց դատապարտելի է նման արտահայտությունը»,- նշեց նա։
Քաղաքացիներից մեկի կարծիքով էլ՝ պետք է զգույշ լինել հայտարարություններում։ «Չէ, ոչ մեկից առավել չի, ինչի չպիտի ծառայի։ Ճիշտ ա գիտությունը գիտություն, ընդունում ենք, հասկանում ենք, բայց մարդը պետք ա մի քիչ էլ հայրենիքին օգտակար լինի։ Նման արտահայտություններով Անդրանիկ Քոչարյանը վիրավորում ա զոհվածների հարազատներին, վիրավորներին։ Մի քիչ պետք ա կոռեկտ լինեն ու իրանց քիչ ռեկլամ անեն»,- ասաց նա։
«Միայն անասունը կարող ա տենց բան ասի, բոլորն էլ արժանի են մարդ կոչվելուն, բայց ոչ ինքը»,- պատասխանեց մեկ այլ հարցված։
Մանրամասները՝ տեսանյութում․