ՄԱԿ-ի գլխավոր քարտուղարը զգուշացրել է, որ Լիբանանում Իսրայելի շարունակական ռազմական գործողությունները «լուրջ վտանգ են ներկայացնում» ԱՄՆ-Իրան հրադադարի համար։ France 24-ի հաղորդմամբ՝ այս մասին ասել է ՄԱԿ-ի գլխավոր քարտուղար Անտոնիո Գուտերեշի ներկայացուցչը։
«Լիբանանում շարունակվող ռազմական գործողությունները լուրջ վտանգ են ներկայացնում հրադադարի և տարածաշրջանում երկարատև ու համապարփակ խաղաղության հասնելու ջանքերի համար։ Գլխավոր քարտուղարը վերահաստատում է բոլոր կողմերին ուղղված իր կոչը՝ անհապաղ դադարեցնել ռազմական գործողությունները», – ասել է Գուտերեշի ներկայացուցիչը։
Լիբանանի առողջապահության նախարարության տվյալներով՝ չորեքշաբթի իսրայելական հարվածների հետևանքով զոհվել է 182 մարդ, վիրավորվել՝ 890-ը։