ԱՄՆ-ի Պաշտպանության նախարարությունը չի ներառել Ուկրաինային ռազմական օգնության ֆինանսավորումը 2027 թվականի ֆինանսական տարվա բյուջեի նախագծում, հայտարարել է Փենթագոնի ֆինանսների տնօրենի պաշտոնակատար Ջուլս Հերսթը Սենատում լսումների ժամանակ։
Ուկրաինայի համար ծախսերի կրճատման հարցը ծագել է նախարարության բյուջետային առաջնահերթությունների քննարկման ժամանակ։ Մի օրենսդիր խնդրել է Փենթագոնի ներկայացուցչին հաստատել փաստաթղթում համապատասխան ծախսերի կետերի բացակայությունը։
«Այո, դա ճիշտ է։ Այս բյուջեում USAI-ի համար ֆինանսավորում չկա», – պատասխանել է Հերսթը՝ նկատի ունենալով Ուկրաինայի անվտանգությանն օգնելու նախաձեռնությունը։
Որոշումը՝ հրաժարվել ռազմական օգնության ծրագրի ֆինանսավորումից, նշանակալից փոփոխություն է Վաշինգթոնի ֆինանսական քաղաքականության մեջ։ 2027 թվականի բյուջեի նախագծում համապատասխան պարտավորությունների բացակայությունը վկայում է ԱՄՆ-ի Պաշտպանության նախարարության ռազմավարական առաջնահերթությունների վերանայման մասին՝ Ուկրաինայի զինված ուժերին աջակցության վերաբերյալ։